الخمج والخمجان

والله ياجماعه بصراحه
في كلام كتير بخص السودانيين بس
مصطلحات لاتحصي سودانية بحته
مثل ده ( خمجان )
وخمجان ده انا متاكد انها
واحتمال كبير اي واحد فينا
يكون سمعها ان كان في المدينة او الريف
نعم كلنا اتهمونا بالخمج لما كنا صغار وبنلعب بالتراب
ولكن فينا من ترك الخمج لغيره ومنا مازال خمجان
انا محتار من هذه الكلمة وما عارف السودانين ديل لقوها وين ؟؟
لست ضليع فى اللغة العربية ولا املك معجم
لابحر فيه واجد معنى صريح لكلمة خمجان دى ..
ممكن بشرى عثمان يدخل فى النص ويورينا اصل الكلمه دى شنو
علما بان الخمج خشم بيوت وانواع وتختلف درجات الخمج
من شخص الى اخر ومن مجتمع الى اخر يعنى خمج المدينة يختلف
من خمج الريف وخمج الميسور والراشحة معاه اقتصاديا وماليا
يختلف من الفلسان والعدمان التعريفة .....
وهكذا خمج ....
فهل انت (ي) خمجان (ة)
وكفاكم وكفانى الله الخمج ..