القطر الشال معاويه يتكسر زاويه زاويه

لماذا يخاف المحبون من القطار لانه يتأخر دائما ام لأنه غير مضمون أو لانه يأخذ الحبيب بعيدا ، الاغانى السودانيه حبلى بالحديث عن القطار وله فى وجدان الشعب السودانيه ذكريات لانه كما يقولون ذى الرياضيات فراق الحبايب ،قطار الشوق متين ترحل تورينا نشوف بلداً حنان اهلها،من بف نفسك يالقطار ورزيم صدرك قلبي طار ،القطر الشال معاويه يتكسر زاويه زاويه،القطار المر ..فيهو مر حبيبى .
المحلي الداخل عطبرة ،وقطارو حلا يا ناس قطارو حلا/خلف لعمري الالام المذله/الزول ده سافر يا ناس ودعتو الله.

قطار الشوق متين ترحل تودينا
نشوف بلدا حنان أهلا ترسي هناك ترسينا
نسايم عطبره الحلوه تهدينا وترسينا
نقابل فيها ناس طيبين فراقم كان ببكينا
ياقطار الشوق متين توصل

حبيبنا هناك راجينا
متين نحضن عويناتو ...
متين يسرع يحينا
ياقطار الشوق ده ليل الغربة فيهو ودار
متين تسرع متين بنكمل المشوار
عشان مانلقي فيها الناس
ونطفي البينا من النار
نشوف عينيهو نعسانه
ولونوا الزاهي كلوا نضار

ياقطار الشوق حبيبنا هناك
يحسب في مسافاتك
ولوتعرف غلاوة الريد
كنت نسيت محطاطك
وكان بدرت في الميعاد
وكان قللت ساعاتك
وكان حنيت علي مرة
وكان حركت عجلاتك


ولايزال القطار برغم تطور المواصلات والطرق السريعه الا انه يظل الملهم للشعراء والمحبين .