الزول كان أباك من غير سبب ماتسكو - أمسح إسمو من خارطة ضميرك حكو

* الواحد يقول ليك والله الزول ده اصلوا مابريدو كده ماعارف ليه مابرتاح ليه من اشوفوا نفسى تنغم وتجينى كتمه فى نفسى من غير سبب ظاهر حاجه نفسيه يعنى يكون جالس فى المجتمع وبعد قليل يهل صاحبنا ....زولك جا ارح نتخارج الله يقبحو .ده مثال .
* بعضمهم مرت ايام ليست بالقصيره وانت لم تلاقيهم وعند المرور امامك لاكلام لاسلام ولا تحيه كأنه يمر امام جماد لاحراك فيه كده ساى بدون أى سبب واضح ده بتسموه شنو . ده مثال

* بعضهم والناس فى مجلس اى كان يسلم على البعض ويترك الباقين كدا مزاج وده مثال ايضا .

*بعضهم وانت خارج من مناسبه فرح أو ترح يمر بجوارك بعربته وانت راجل بقدميك كأنه لايعرفك وماشى طوالى وين فضل الظهر وده مثال .

* بعضهم عندو مناسبه وفى ظل وجود الهواتف المحموله فى كل يد يتصل باحدهم ليكلم احدهم اخبر احدهم باننى عندى المناسبه الفلانيه . منتهى التجاهل وده مثال .

كل تلك الظواهر فينا اللهم نسألك الستر .