قدلة يامولاى

أروع الكلمات من منبع الحقيبة

لاشك أن تراث الحقيبة ملىء بالمفردات الرائعة ومن أجمل ماوقفت عليه رائعة خليل أفندى بك والتى جسد فيها حنينه لام در ووقف وتأمل فى ربوعها وهو فى الفراش الأبيض بمصر المؤمنة بفضل الله فكانت رائعته لوحة ناطقة ولست هنا فى مقام الناقد أو المقيم وإنما أحببت نقل مادعانى لدعوة الإخوان لوقفة تأمل فى هذه الرائعة

ماهو عارف

ماهو عارف قدمو المفارق
يا محط آمالي السلام
في سموم الصيف لاحلو بارق
لم يزل يرتاد المشارق
كان مع الأحباب نجمو شارق
مالو والأفلاك في الظلام
يا دهر أهوالك تسارق
منا كم ... كم شابت مفارق
ما علينا ... الفات كلو فارق
رُقنا ولا نعيد الملام
من حطامك أنا غصني وارق
في شن أبقيت للطوارق
غير قليباً في همومو غارق
ولساناً بردو الكلام
ويح قلبي الما إنفك خافق
فارق أم درمان باكي شافق
يا أم قبايل ما فيك منافق
سقي أرضك صوب الغمام
يا بلادي كم فيك حاذق
غير إلهك ما أم رازق
من شعارو دخول المأزق
يتفاني وشرفك تمام
مسرح الغزلان في الحدايق
والشوارع الغُر والمضايق
قولي كيف أمسيت دمت رايق
دام بهاك مشمول بالنظام
مجلس اللذات في النمارق
والترف لا زال وصفه خارق
ضاري حسك فاح جانا مارق
وليهو قاطعو الريح ما هو لام
في يمين النيل حيث سابق
كنا فوق أعراف السوابق
الضريح الفاح طيبو عابق
السلام يا المهدي الإمام
أين مني الودعتو شاهق
باكي ناهد لسه مراهق
عيني ما بتشوف الا شاهق
أين وجه البدر التمام
أين مني الفي زهو باسق
في شبابو نقي من مفاسق
بين ثيابو البيض المناسق
حولك أشبه رتل الحمام
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كم
الحبايب لفتو الخلايق
بيني وبينم قطعو العلايق
إن دلال إن تيه كلو لايق
حن ... ما مجينا الخصام
يا جميل يا نور الشقايق
أملأ كأسك وأصبر دقايق
مجلسك مفهوم شوفو رايق
عقدو ناقص زول ولا تام
من فتيح للخور للمغالق
من علايل أب روف للمزالق
قدله يا مولاي حافي حالق
بالطريق الشاقي الترام
ما يئسنا الخير عودو سايق
الحي يعود إن أتى دونو عايق
إلي يوم اللقا وأنت رايق
السلام يا وطني السلام
أنظر إليه وتأمل .كيف جعل مِن أُم دُرمان كالبَيت الحرام ... ذو الأربعة أركان وتخيل نفسه وهو يطوف حالِق الرأس وحافي القدَمَين فابدع حين قال ...
من فتيح للخور للمغالق
من علايل أب روف للمزالق
قدله يا مولاي حافي حالق
بالطريق الشاقي الترام

ومن الحتانة سلاااااااااااااااااااااااام

من طرف ???? الإثنين أغسطس 09, 2010 5:14 pm

يا جميل يا نور الشقايق
أملأ كأسك وأصبر دقايق
مجلسك مفهوم شوفو رايق
عدو ناقص زول ولا تام
التحية لك الأخ عبده ,أطربت , لكن ليك مده مابنت ؟؟

من طرف ???? الثلاثاء أغسطس 10, 2010 12:13 pm

ضروب الغناء كثيره ومتنوعه ولكنى عشقى الاوحد اغانى الحقيبه ففى كلماتها احساس عميق بالجمال الانسانى المكنون والحانها تطربنى وتدهشنى وتبحر بى بعيدا فى اجواء الشجن الساحر الجميل تدغدق الحواس المكبوته وتنثر النغم الجميل والصوت الصداح فتطير بك بين السحاب وتدخل بك فى عوالم من الخيال المنغم المدوزن فتشجينى وتغذينى بنبض من الحياة الممتعه واللذه الفائقه ففى تصاويرها روعة وابداع وفى تشكيل حروفها وكلماتها لوحة تشكيلية ملونه بابهى الالوان

قدلة يامولاى

قدلة يامولاى

رد: قدلة يامولاى

رد: قدلة يامولاى