الهلال كبير--والوصيف وصيف-الله الوطن الهلال

بسم الله الرحمن الرحيم
في بداية المقال اقول مبروك لشعب الهلال التاهل الرائع واهني كل سيد بلد علي هزا التاهل الي دوري الكبار وليس الصغار
انتهت مبارة الهلال بالتعادل الايجابي 1-1 واحرز هدف الهلال المهاجم المرعب ادوارد سادومبا
سا سا سا دومبا------------سا سا سا دومبا
واما عن مبارة المريخ اقصد والوصيف وانتهت كما عودنا المريخ دائما الرجوع الي ارض الوطن بي خفي حنين بالضربات الترجيحيه ونتجية المباره 2-0 وانا كما قلت في المقال السابق ان المريخ لايملك الخبره في هذه البطوله هذا هو الحضري الخبره وهذا هو العجب الخبره وموسي الزومه برضوا خبره ومصعب عمر برضوا خبره وحسام البدري مدرب الاهلي السابق ايضا خبره الجماعه ديل كلهم خبره وبرضوا ودعوا دوري الابطال والله بالجد هو اسموا دوري الابطال ما وصفا الدوري لكن ضربة الجزاء فيها شكك عارفين لي لانو سفاري احسن مدافع في السودان مابسوي ضربة جزاء (سفاري -سفاري ا لسم الهاري
وانا في مقالي السابق قلت اصبروا ياجمهور الهلال الهلال جديد في اللعيبه والادارة وليس البطوله الافريقيه
وزي ماقلتا انوا المريخ فاز علي الهلال صدفه ومباره عادية في الدوري الاولي وكان المهم اليوم يوم الابطال يوم اسقاط الحضري والبدري
(جمهور المريخ يريد اسقاط الحضري -جمهور المريخ يريد اسقاط الحضري)
(استيم تفاح يالوالي مريخك راااح)
(عجب-عجب -زومه -زومه -مصعب-مصعب زنقه- زنقه)
ملحوظه
تفتقدون لثقافة اللعب بالخارج
انشا الله نتمني لكم التوفيق في المباره القادمه امام الامل عطبره في زهاب الدوري الممتاز
شكوي
قالوا المريخ داير اقدم شكوي في الحكم لانو ضربات الجزاء ناقصه ضربه
طيب نحسب .فيصل العجب طارت-بدرالدين قلق قوون-موسي الزومه طارت وتاني موسي الزومه طا طا طا رت-وتاني مصعب عمر دي ماطارت دي مسكا عديل كدا وكلتشي قون ديل اربعه ضربات ياجماعه ياكافي البلي لا رياضيات لاكوره
ولي للمقال بقيه.

سا سا سا سا سا دومبا -ساساسادومبا-ساساساسادومبا
باي باي باي باي الحضري
ياربي المريخ لاعب متين في دوري ابطال افريقيا السوال موجه للمريخاب
ياربي المريخ لاعب في الدوري الممتاز متين السؤال موجه للهلالاب ارجو الرد علي الاسئله
انتوا ياجماعه كورة المريخ انتهت كم السؤال موجه لهيثم الحسين رئيس رابطة مشجعي الوصيف في المنتدي
وشكرا
حسن سادومبا
عضو رابطة مشجعي الهلال بمنتدي العوضاب

يااخي هيثم نحن لانستطيع ان نخفي سعادتنا بخروج الوصيف المريخ لكن هذا لاينفي اننا سعداء كثيرا بتاهله
لكن المشكلة انو انتو خرجتو من دور التمهيدي والهلال تقدم خطوة الى الامام
وحتي اذا طار من المرحلة المقبة فهو الافضل اضف الى ذلك سوف يذهب الهلال الى الكونفدرالية اراك لم تذكرها في تعقيبك علي الاخ حسن ولكن اقول لك ان هذا هو مستوي المريخ الحقيقي بعد ذلك اذهبو والعبو مع اهلي شندي وهلال كادوقلي مع احترامنا للفريقين لكن ان ذلك هو مستواكم
المحزن الطاقم المصري والحضري وساكواها هؤلاء هم من كنتم تراهنون عليهم بانهم سوف يقودو المريخ الي مستويات ارفع من ذلك
اللهم لاشماتة اللهم لا شماتة