شالوا الكلام ختوا الكلام زادوه حبة

*الشى المحيرنى وشاغل بالى ومطير النوم من عينى انو مافى خاجه بينى بينك ....ابدا
ياخى انا بعرفك من وين ... متشعبط فينى مالك نحنا فى ادم وحوا ما بنتقابل انا والله الحقاره مابدورها وانا كان قمت صعب شديد والله وبالله سكينى فى ضراعى ...اعمل حسابك ...عملت لى وجع وش ياخى جننتنى كل ما امشى حته القاك قصادى فى الحافله فى السوق فى المحطه ياأخى اختانى . فهمتو حاجه .....

* هناك وجوه مألوفه لديك اذا رأيتها كأنك تعرفها منذ زمن بعيد نفس الملامح نفس الشيه ...انا الزول ده قابلتو وين ، وتحدق بشده فى وجهه حتى يسألك انت مشبهنى ولا شنو ..تحس بالحرج وتبعد عنه وانت تجرجر اقدامك وانت تحدث نفسك والله الزول ده بعرفو . عدم اقتناع.

* الزول ده عبيط كده مالو أى حاجه يحشر نفسه فيها كان لقى اتنين بتونسوا يعمل فيها سيد الونسه وكان لقى جمع من الناس يعمل فيها اعرف الناس بكل شى فى السياسه فى الكوره فى الطب يتصدر المواضيع فى المجالس بما يعرف ومالا يعرف .
من هذا النوع كثير .

* اقتربت مساهمة الدكتور بشرى وقد اقتربنا من يوم السبت وانا فى انتظارها بفارغ الصبر فهو يعطيك كبسولات من الادب الراقى تغنيك عن باقى الاسبوع مش زى واحد صاحبنا يهضرب ليل ونهار حتى ناس المنتدى زهجو منو ...انا ماعارف قصة يوم السبت دى شنو ... ارجو من الدكتور الاجابه والعزاء موصول من اعضاء المنتدى فى وفاة الرئيس النيجيرى العارف اسمو عتدى ليه جايزه .