خطرفه

ما قلت ليكم الزول مانافع اى حته يودوهو ليها يجينا راجع بالله الزول السجمان ده أكان ابوهو اليوم داك نام ساى ، وتتمطى الامنيات المشرأبه فوق جدار الزمن وتتقيأ الخير كله فى خاصرتى الممزقه ، ياخى الموضوع دا كيف اوعك تغشنى اناع عارفك ذى جوع بطنك ، وتنمو الروافد بين سكون الليل وصخب النهار وانا ماعارف الليله الفول ده طعمه كعب كده ليه التقول بايت ....يا ولد جيب لى طعميه ، وابلع ريقى والايام دول بين الناس ، ورائحة الجرتق المسكوب على رمل المسافه يدغدغ مشاعرى المتبلده ، اها الغدا بشنو ...فاصوليا ياااخ امبارح مااكلناها يازول عوجه مافى ناكل فاصوليا تانى ،والاهات المكتومه فى الاعماق جوه تتوالد تتباهى تتنامى ، امبارح حلمت حلم عجيب ياخى دا ماحلم دى كوابيس ساكت والله يكضب الشينه والشينه منكوره ، والاسماعيلى غلب الهلال والترجى غلب المريخ طيب راجين شنو ماتقوموا تروحوا والكوره ماعندها صليح ،ويتوارى الغيم الماطر بين جوانحى المنسلخه عن عوالمى ...... اعزرونى ماعارف اقول شنو ... قولوا انتم . والسلام ختام .