انا مااااااا زهجان

اها انا جيت تانى... ولكنى ما زهجان اسالونى ليه عشان ضربت الفول المصلح مع العيش الطاره وملئت امدرمان وزال الوجع وهزم خليل على اعتابها وفر هاربا لايلوى على شىء ....اظننا يوم ولدنا كانت فى افواهنا ملعقة مليئة بالفول المصرى على غرار ولد وفى فمه ملعقة من ذهب وده حال الدنيا الغروره والرزق من الله ولا معقب لارادة الله .... والحقيقه لا انسى ابدا فول المحطه الذى كان له طعم خاص وانت فى انتظار القطار والقطار فى مقابله اشرحا ولا مافى داعى ومادراك مالمقابله ولكنى وادراكا لما قيل سابقا اذكرتوه والا لا طعمييييية شندى ومادراك ماطعمية شندى هى اصل الفلافل اوعكم من (الغلاط)فيحها ريحتها نكهتها هى كل الدنيا ....شنو يازول الهضربه انت بتقول فى شنو.... وفرد شندى لامثيل لها نعومه كالحرير اتقان فن الصنعه بالنول اليدوى الاقباط هم اقرب الناس الينا .... نرجع لموضوعنا القبيل بعد ماضربت الفول جاء دور التحليه التى تقوى البدن وتشيل الحيل فته معتبره بالذبادى والطحنيه والسكر تأكل حتى يتصبب العرق من جبينك بالله جربوها ولا عزاء للعزابه .... ويا المريخاب ارجوا الجاياكم ورونا حاتعملوا شنو وقيل فى المثل اقول ليكم حاجه ماخلاص الامثال كملها مخلص عوض وياما فى الجراب ياحاوى تحياتى له من بلاد الواق واق وانا فى اجازتى الشهريه فى النسيم العليل وجانى طيفو طايف وباحليل ايام انسنا الجميله ...كم اعشق حقيبة الفن واغانيها واولاد شمبات واولاد المورده وميرغنى المامون واحمد حسن جمعه وكرهتى فى الحياة احمد بورتسودان وشكرالله ومحمود عبد العزيز وقناتى المفضله ....ساهور اظنكم زهجتو منى ولكن اعمل شنو واعضاء المنتدى مكتفين ايديهم وراجين الرى كدى جربوا فتة الطحنيه بالذبادى وادونى رايكم .... والتسويها بايدك تغلب اجاويدك .